Të paktën 19 nxënës dhe 2 mësues kanë mbetur të vrarë nga një sulm i ndodhur në një shkollë fillore në Teksas të Shteteve të Bashkuara të Amerikës.
Mediat e huaja shkruajnë se autori i kësaj masakre është Salvador Ramos. 18-vjeçari hapi zjarr në shkollën fillore Rob në qytetin e Uvalde para se të vritej nga forcat e rendit, thanë zyrtarët.
Gjithashtu bëhet e ditur se Ramos, i cili u qëllua dhe u vra nga policia, para sulmit në shkollën fillore kishte qëlluar gjyshen e tij, e cila po trajtohet në spital në gjendje kritike.
Tre ditë para ngjarjes 18-vjeçari kishte publikuar në rrjetin social “Instagram” foto me armë automatikë AR15. Fotoja është publikuar “Instastory” me emrin e përdoruesit “salv8dor_”.
Ishin shokët e klasës së 18-vjeçarit që konfirmuan se llogaria i përket Salvador Ramos.
Ndërkohë guvernatori i Teksasit Gutierrez tha për CNN se Ramos, i cili mbushi 18 vjeç pak ditë më parë, bleu dy armët për ditëlindjen e tij.
