Për Jung Ki-young, një inxhinier programesh koreano-jugor, vendimi i Microsoft për të tërhequr nga tregu shfletuesin e internetit Internet Explorer shënoi fundin e një marrëdhënieje çerekshekullore dashuri-urrejtje me teknologjinë.
Për të përkujtuar ‘vdekjen’ e Internet Explorer, ai shpenzoi një muaj dhe 430,000 won (330 dollarë) duke projektuar një gur varri me logon e Internet Explorer në të cilën shkruhej: “Ishte një shfletues i mirë për të shkarkuar shfletues të tjerë.”
Pasi memoriali u shfaq në një kafene të vëllait të tij në qytetin jugor të Gyeongju, fotoja e gurit të varrit u bë virale në rrjet, raporton CNN.
Microsoft e uli mbështetjen për Internet Explorer-in pas një periudhe 27-vjeçare, për t’u fokusuar në shfletuesin e tij më të shpejtë, Microsoft Edge.
Jung tha se memoriali shfaqte ndjenjat e tij të përziera për softuerin më të vjetër, i cili kishte luajtur një rol kaq të madh në jetën e tij dhe në punë.
“Ishte acarues, por unë do ta quaja një marrëdhënie dashuri-urrejtje sepse vetë Explorer dikur dominonte një epokë,” tha ai.